Tuesday, December 10, 2013

అమెరికా తెలుగు పుస్తక సమాఖ్య -2013

అమెరికా తెలుగు పుస్తక సమాఖ్య -2013
నమస్కారం,
మీ అందరి ప్రోద్బలంతో ఈ సంవత్సరం మేము నిర్వహించిన 18వ ఉగాది ఉత్తమ రచనల పోటీ,  పన్నెండు ‘నెల నెలా తెలుగు వెన్నెల” సాహితీ సదస్సులు, గత నెల హైదరాబాదు లో వారం రోజుల పాటు అత్యంత విజయవంతంగా నిర్వహించిన “మొట్టమొదటి జాతీయ యువ సాహితీ సమ్మేళనం” మొదలైన సాహిత్య కార్యక్రమాలకి పరాకాష్టగా ఈ 2013 లో మా సంస్థ ప్రచురించిన పుస్తకాలు అన్నీ అమెరికా తెలుగు పుస్తక సమాఖ్య – 2013 ద్వారా మీకు అందుబాటు లోకి తేవడమే ఈ ప్రకటన సారాంశం. అమెరికాలో మంచి తెలుగు పుస్తకాలు చదవాలనే అభిలాష ఉన్న పాఠకులకు శ్రమ లేకుండా వారి ఇంటికే పుస్తకాలు పంపించి తెలుగు పఠనాసక్తిని పెంపొందించడమే మా లక్ష్యం. పన్ను రాయితీ కలిగిన చిన్న మొత్తంలో 2013  వార్షిక సభ్యత్వ రుసుము చెల్ల్లించిన సభ్యులకు మాత్రమే మా తాజా ప్రచురణలు అందజెయ్యబడతాయి. లాభాపేక్ష లేకుండా కేవలం ముద్రణ, ఇండియానుంచి ఓడ లోను, విమానంలోను పుస్తకాల రవాణాకి అయిన ఖర్చులు, ఈ సంవత్సరం నిర్వహించిన వివిధ సాహితీ సదస్సుల నిర్వహణ ఖర్చులకి నిమిత్తమే మీ విరాళం వెచ్చించడం జరుగుతుంది. ఉత్తర అమెరికా రచయితలూ, సాహితీ వేత్తలూ, తెలుగు భాష మరియు సాహిత్యాభిమానులూ అమెరికా తెలుగు పుస్తక సమాఖ్య – 2013  సభ్యులుగా చేరి మంచి తెలుగు పుస్తకాలు ఇంటికే తెప్పించుకుని, చదివి ఆనందిస్తారని ఆశిస్తున్నాం. 1994 నుంచీ, లాభాపేక్ష లేని వంగూరి ఫౌండేషన్ ఆప్ అమెరికా వారి సాహిత్య సేవ లో ఈ పుస్తక సమాఖ్య మరొక యత్నం. సాహిత్య కార్యక్రమాలే కాక ఈ సంవత్సరం వేగేశ్న ఫౌండేషన్ వారి వికలాంగుల సేవాశ్రమానికి అమెరికాలో నిధుల సేకరణ నిమిత్తం 24 సంగీత కార్యక్రమాలు, కాకినాడ లోని పి.ఆర్. కాలేజీలో బీద విద్యార్ధులకి మధ్యాహ్న భోజన పథకానికి నిధుల సేకరణ చేసి పున: ప్రారంభానికి సహాయం చెయ్యడం మొదలైన ధార్మిక కార్యక్రమాలు కూడా విజయవంతంగా నిర్వహించాం.    
2013 సంవత్సరానికి వార్షిక సభ్యత్వం సూచనలు
మీ ఆసక్తిని బట్టి, ఈ క్రింది సభ్యత్వాలలో దేనికైనా నమోదు చేసుకోవచ్చును.
 సాహితీ స్రష్ట సభ్యత్వం: US$ 250.00
(కనీసం $350 విలువ గల పుస్తకాలూ, సీడీలు మీకు అందుతాయి. పోస్ట్ ఖర్చులు కూడా మావే.)
 
భాషాభిమాన సభ్యత్వం:  US $ 116.00
(కనీసం $200 విలువ గల పుస్తకాలూ, సీడీలు మీకు అందుతాయి. పోస్ట్ ఖర్చులు కూడా మావే.)
Your Annual membership Donation is Tax-Deductible in USA.  
Membership Benefits -2013
(కేవలం 116 మందికి మాత్రమే ఈ సంవత్సర సభ్యత్వం అందుబాటు లో ఉంటుంది)
అందరూ అందుకునే అపురూపమైన తెలుగు పుస్తకాలు – మా 2013 ప్రచురణలు
1. "వంగూరి చిట్టెన్ రాజు చెప్పిన 116 అమెరికామెడీ కథలు” 
(“అమెరికా హాస్య బ్రహ్మ“గా పేరొందిన వంగూరి చిట్టెన్ రాజు విరచిత అలనాటి, ఈనాటి పునర్ముద్రిత, అముద్రిత సమగ్ర హాస్య కథా సంకలనం, బాపు గారి ముఖ చిత్రంతో, “గట్టి అట్ట” తో, సుమారు 500 పేజీలు. 
విడి ప్రతి :  $100 (2013 ప్రచురణ.)
2.  “విదేశీ కోడలు”-  అమెరికా రచయిత్రి, సుప్రసిద్ద నర్తకి శ్రీమతి కోసూరి ఉమా భారతి (Houston, TX) తొలి సారిగా రచించిన  ఆసక్తికరమైన 12  కథల సంపుటి . విడి ప్రతి: $25.00 (2013 ప్రచురణ)
3. “అవంతీ కళ్యాణం” – అమెరికా నేపధ్యంలో శ్రీమతి లలిత రామ్ (దేవులపల్లి కృష్ణశాస్త్రి గారి కుమారులు బుజ్జాయి గారి కుమార్తె, పోర్ట్ లాండ్ అమెరికా నివాసి) గారి తొలి సాంఘిక నవల, 260 పేజీలు, విడి ప్రతి   $25.00 (అక్టోబర్, 2013 ప్రచురణ.)
4.  “మొట్టమొదటి జాతీయ యువ సాహితీ సదస్సు” సభా విశేష సంచిక. సెప్టెంబర్ 29-నుండి అక్టోబర్ 5, 2013 వరకూ వారం రోజులు దిగ్విజయంగా జరిగిన ఈ సాహితీ సదస్సులో 15-35 వయో పరిమితి గల   సుమారు 150 మంది యువతీ యువకులు చదివిన కవితలు, వ్యాసాల సంకలనం.  సుమారు 200 పేజీలు. వెల: $25.00 (అక్టోబర్ , 2013 ప్రచురణ.)
5.  కనీసం $25 విలువ చేసే ఒక “అన్నమయ్య”  పాటల సీడీ, ప్రత్యేకంగా ఎంపిక చేసిన మరికొన్ని తెలుగు పుస్తకాలు.
Special Bonus
  1. All donors of $250 (సాహితీ స్రష్ట) or more will receive the following book as a special bonus. 
"20 వ శతాబ్దంలో అమెరికా తెలుగు కథానిక మరియు అమెరికా సాహితీవేత్తల పరిచయ గ్రంధం" (Valued at $100.00)
(అత్యంత ప్రతిష్టాత్మకమైన ఈ చారిత్రాత్మక గ్రంధంలో ఉత్తర అమెరికానుంచి 1964 లో వెలువడిన మొట్ట మొదటి తెలుగు కథ తో కలిపి, గత శతాబ్దంలో ఉత్తర అమెరికాలో ప్రచురించబడిన వందలాది కథలని నిశితంగా పరిశీలించి, ప్రత్యేకంగా ఎన్నిక చేసిన 116 మంచి తెలుగు కథలు, గత శతాబ్దంలో అమెరికాలో తెలుగు సాహిత్యానికి పెద్ద పీట వేసిన 116 సాహితీవేత్తల ఫొటోలతో కూడిన జీవిత విశేషాలు.- 2009 ప్రచురణ.
 
How To Become a Member of “America Telugu Pustaka Samakhya -2013”
Suggested Donation Options: $250 or $116

On-Line: Visit www.vangurifoundation.blogspot.com , Click on DONATE Button and follow prompts.

  Payment by Check:  Please make check payable to VFA and mail to   
    Vanguri Foundation of America
     P.O.BOX 1948
       STAFFORD, TX.  77497

Payment by Phone (USA) : Please call me on 832 594 9054 with the following      information. 

  Amount:         

Credit Card # ______________________________

Expiry Date: _______/_______                     CVV ________

For more details, please contact Vanguri Chitten Raju (Phone 832 594 9054)



Thursday, October 3, 2013

వైభవోపేతంగా ప్రారంభం

వైభవోపేతంగా ప్రారంభం
మొట్టమొదటి జాతీయ యువ సాహితీ సమ్మేళనం
సెప్టెంబర్ 29 - అక్టోబర్ 5, 2013
వేదిక: శ్రీ త్యాగరాజ గాన సభ, చిక్కడ్ పల్లి, హైదరాబాద్
నిర్వాహకులు: వంగూరి ఫౌండేషన్ ఆఫ్ అమెరికా, సౌజన్యం: ఆంధ్ర ప్రదేశ్ ప్రభుత్వ సాంస్కృతిక శాఖ
మొట్టమొదటి జాతీయ యువ సాహితీ సమ్మేళనం ఈ రోజు సాయంత్రం (సెప్టెంబర్ 29, 2013- ఆదివారం) సాయంత్రం ఐదు గంటలకి అత్యంత పవిత్రమైన శ్రీ సరస్వతీ దేవీ ప్రాంగణం లా తీర్చిదిద్దబడ్డ  శ్రీ త్యాగరాజ గాన సభ వేదిక పై అత్యంత వైభవంగా, ఆత్మీయ వాతావరణంలో ప్రాంరంభం అయింది. తెలుగు నాట యువత నుండి అనూహ్యమైన వచ్చిన స్పందన కేంద్ర బిందువుగా తెలుగు సాహిత్య చరిత్రలో యువతరానికి మాత్రమే పరిమితమైన సాహిత్య వేదికకు తొలి సారిగా రూపకల్పన చేసిన ఈ సాహితీ సదస్సుకు 15-35 వయోపరిమితిలోని యువ సాహితీవేత్తలు, వారికి ఆశీస్సులు అందించి ప్రోత్సహించి, వారి సాహిత్య స్పందనను ఆస్వాదించడానికి వచ్చిన  సర్వసాధారణలు, కేవలం సహృదయులూ అయిన తెలుగు భాషాభిమానులతో  సభాప్రాంగణం క్రింద అంతస్తు  పూర్తిగా నిండిపోయి, పై అంతస్తు కూడా సగం పైగా నిండిపోయింది.  

ముందుగా యువ గాయని గీతాంజలి వ్యాఖ్యాతగా సుప్రసిద్ద్ధ లలిత సంగీత గాయకులు కె. రామాచారి (లిటిల్ మ్యుజీ షియెన్స్ ఎకాడెమీ) కుమారుడు సాకేత్ కొమాండూరి నిర్వహణలో యువగాయనీ గాయకులు మంచి లలిత సంగీత గేయాలని వీనులవిందుగా ఆలపించారు. ఆ తరువాత జరిగిన ప్రారంభ మహోత్సవంలో  జ్జానాపీఠ్బహుమతి గ్రహీత డా. నారాయణ రెడ్డి గారు, తెలుగు విశ్వవిద్యాలయం ఉపాధ్యక్షులు ఆచార్య ఎండ్లూరి శివారెడ్డి గారు, డా. కవిఅతా ప్రసాద్ గారు, డా. ద్వానా శాస్త్రి గారు, వంగూరి చిట్టెన్ రాజు పాల్గొని ఈ సభ క్లుప్తంగా సభ ప్రధాన ఉద్దేశ్యాల గురించి సముచితంగా మాట్లాడారు. తరువాత ప్రారంభం అయిన స్వీయ కవితా విభాగం, యువ కవి సమ్మేళనం, ప్రాచీన సాహిత్యాంలపై ప్రసంగాలలో అనేక ప్రాంతాల నుంచి వచ్చిన 20  మంది యువతీయువకులు తమ పాల్గొన్నారు. కృష్ణ మోహన్ :ఒకే ఒక వాక్యం’, బత్తుల రామకృష్ణ, అవధానుల మణిబాబు మొదలైన వారి కవితలు, పానుగంటి శేషుకళ, లక్ష్మీ మానస, గంగిశెట్టి లక్ష్మీ నారాయణల ప్రసంగాలు  బాగా ఆకట్టుకున్నాయి. ఈ వేదికలన్నింటినీ సమర్ధవంతంగా, చక్కటి తెలుగులో, చతురోక్తులతో నిర్వహించిన గంగిశెట్టి లక్ష్మీ నారాయణ
డా. సినారె చే జ్యోతి ప్రజ్వలన 

మొట్ట మొదటి యువ సాహితీ వేదిక 

అందరి ప్రశంసలను అందుకొన్నారు. రేపటి నుండీ అక్టోబర్ 5 దాకా జరిగే ఈ మహా సభలకి ప్రతీ రోజూ సాయంత్రం 5 నుండి జరిగే ఈ యువ సాహితీ సభలకు అందరూ ఆహ్వానితులే.

Sunday, August 25, 2013

మొట్టమొదటి జాతీయ యువ సాహితీ సమ్మేళనం


సాదర ఆహ్వానం
మొట్టమొదటి జాతీయ యువ సాహితీ సమ్మేళనం
సెప్టెంబర్ 29- అక్టోబర్ 5, 2013
ప్రతీ రోజూ సాయంత్రం 5 గంటల నుంచి సాయంత్రం 10 గంటల దాకా వారం రోజుల పాటు
వేదిక: శ్రీ త్యాగరాజ గాన సభ, చిక్కడ్ పల్లి, హైదరాబాద్
నిర్వాహకులు: వంగూరి ఫౌండేషన్ ఆఫ్ అమెరికా
(ప్రసార మాధ్యమాల సహకారం: ఈ-టీవీ, ఈ నాడు పత్రిక)  
యువ తరం తెలుగు భాష, సాహిత్యాభిమానులకు సాదర ఆహ్వానం
తెలుగు సాహిత్య ప్రపంచంలో బహుశా మొట్టమొదటి సారిగా, కేవలం యువతీ యువకులకు ప్రాధాన్యత కలిగిస్తూ వారిదే అయిన ఒక సాహిత్య వేదికను ఆవిష్కరిస్తూ జరుగుతున్న "మొట్టమొదటి జాతీయ యువ సాహితీ సమ్మేళనం" లో పాల్గొనమని ప్రపంచవ్యాప్తంగా ఉన్న తెలుగు యువతని సాదరంగా ఆహ్వానిస్తున్నాం.
ప్రభుత్వ విద్యా విధానాలలో చెప్పరాని నిర్లక్ష్యంఉద్యోగావకాశాలకి ఆంగ్లం మాత్రమే అవసరం అనే కాకుండా తెలుగు ప్రతిబంధకం అనే అపోహతో తెలుగు భాషని విస్మరిస్తున్న, తిరస్కరిస్తున్న మధ్యతరగతి సమాజం, దిగుమతి చేసుకున్న “సంకర” సంస్కృతినే తెలుగు సంస్కృతిగా ప్రచారం చేస్తున్న ప్రసార మాధ్యమాల ప్రభావం మొదలైన అనేక కారణాల వలన అపురూపమైన మన భాషా సాహిత్యాలకి తగిన గౌరవం, గుర్తింపు రోజు రోజుకి మరుగై పోతున్నాయి అని అందరికీ తెలిసినదే!
తరుణంలో, తెలుగు భాషా, సాహిత్యాలకి వెన్నెముకగా నిలిచి, భవిష్యత్తుని దేదీప్యమానంగా చేద్దామని తపన పడుతున్నది కొంతమంది వయోధికులే అయినా తెలుగు భాషా సాహిత్యాలను, తద్వారా మన సంస్కృతిని కాపాడే గురుతర బాధ్యత నాటి యువతరానిదే. అందువలన కళాశాల విద్యార్ధులూ, 15-35 సంవత్సరాల వయస్సు గల యువ రచయితలూ, కవులూ, సాహిత్యాభిలాషులూ, తెలుగు భాషను జీవనోపాధిగా మలుచుకునే ప్రయత్నం చేస్తున్న వారు మాత్రమే వేదిక మీద ప్రసంగాలతోనూ, చర్చా వేదికలలోనూ పాల్గొనే అపురూప సమ్మేళనానికి వయస్సు తో నిమిత్తం లేకుండా అందరూ ఆహ్వానితులే. రాజకీయపరమైన ప్రాంతీయ వాదోపవాదాలకు, సామాజిక సమస్యల చర్చలకు వేదికలో తావు లేదు. కేవలం భాష, సాహిత్యాల విషయాలకే వేదిక పరిమితం.

సమ్మేళన ప్రధాన ఉద్దేశ్యాలు
1. తెలుగు యువ రచయితలు, సాహిత్యాభిలాషులూ తెలిసిన స్నేహితులతోబాటు అనేక ప్రాంతాలనుంచి వచ్చే తోటి వారిని కలుసుకుని, సాహిత్యపరంగా ముచ్చటించుకోవడం. కొత్త పరిచయాలు పెంచుకోవడం. తెలుగు భాషా, సాహిత్యాలపై తమ మక్కువ చాటుకోవడం.
2. యువతరం తెలుగు రచయితలు తమ స్వీయ రచనలను సభాముఖంగా వినిపించి ఇతరులతో పంచుకోడం.
3. అన్నింటికంటే ప్రధానంగా, తెలుగు సాహిత్యం విషయంలో ప్రస్తుత సమస్యలకు పరిష్కార మార్గాలను అన్వేషించుకోడం.
4. భవిష్యత్తులో భాష మనుగడకి, సాహిత్య పోషణకీ మంచి మార్గాలు నిర్దేశించుకోడం.
యువ వక్తలకు ఆహ్వానం, విన్నపం
సాహిత్యపరమైన విషయాలపై ప్రసంగించి, తమ అభిప్రాయాలను ఇతర రచయిత్రులూ, సాహిత్యాభిమానులతో పంచుకోవాలని అభిలషించే తెలుగు యువతీ యువకులందరికీ (వయస్సు పరిమితి 15-35) సమ్మేళనం ఒక ప్రత్యేక సాహిత్య వేదిక. క్ర్ంద ప్రచురించబడిన "ప్రాధమిక కార్యక్రమ వివరాలు" పత్రంలో సూచించబడిన ప్రసంగాంశాలు మాత్రమే ఆమోదయోగ్యం. సమ్మేళనంలో ప్రసంగించదల్చుకుంటే మీ పేరు, చిరునామా, ఫోన్, -మెయిల్ లతో సాహిత్యపరమైన పూర్తి ప్రసంగం మాకు తెలియవలసిన ఆఖరి తేదీ సెప్టెంబర్ 1. 2013. అన్ని విషయాలలోనూ తుది నిర్ణయం నిర్వాహకులదే. ప్రసంగీకులందరూ తమ వయస్సు నిర్ధారించే పత్రం (బర్త్ సర్టిఫికేట్, స్కూల్ పత్రాలూ మొదలైనవి) కాపీ కూడా మాకు విధిగా పంపించాలి. ఎటువంటి వయో ధృవీకరణ పత్రమూ జతపరచని ప్రతిపాదనలు/అభ్యర్ధనలు పరిశీలించబడవు.
ప్రత్యెక సూచనలు, నిబంధనలు
1.  సెప్టెంబర్ 1. 2013 లోపుగా మాకు అందిన వ్యాసాలలో మేము పరిశీలించి ఎంపిక చేసుకున్న వాటికి మాత్రమే ప్రసంగించే అవకాశం కలిగించబడుతుంది.
2.  వక్తకైనా వేదిక పై ప్రంసంగావకాశం వారం రోజులలోనూ ఒక్క సారే ఇవ్వబడుతుంది.
3. హైదరాబాద్ నివాసులైన స్థానిక వక్తలకు రూ. 500 పారితోషికం, ఇతర ప్రాంతాల వారికి
రూ.1116.00 పారితోషికం ఇవ్వబడతాయి.
4. ప్రయాణ మరియు వసతి ఏర్పాట్లు, ఖర్చుల బాధ్యత ప్రసంగీకులదే.

వక్తలు తమ వ్యక్తిగత వివరాలను (పేరు, చిరునామా. ఫోన్ నెంబర్, -మెయిల్ మరియు వయస్సు ధృవీకరణ పత్రంసెప్టెంబర్ 1. 2013 లోపుగా క్రింది చిరునామాకు పంపించాలి.
“Sromani” Vamsee Ramaraju, Managing Trustee
Vanguri Foundation of America
Satya Sai Puram, Survey No: 139 (part)
Kuntloor, Hayatnagar Mandal, R.R. Dist.
Hyderabad -501505, A.P

దాతలకు విన్నపం
లాభాపెక్ష లేని ఈ మొట్టమొదటి యువతరం సాహిత్య సమ్మేళనం నిర్వహణ కి సుమారు రెండు లక్షల రూపాయల వ్యయం అవుతుందని మా అంచనా. కేవలం ఆ ఖర్చుల నిమిత్తం సాహితీ ప్రియులైన పెద్దల విరాళాలు అర్దిస్తున్నాం.
రూ. 1500 విరాళం ఇచ్చిన దాతలందరికీ రూ. 900 విలువ గల "వంగూరి చిట్టెన్ రాజు చెప్పిన నూట పదహారు అమెరికామెడీ కథలు" పుస్తకంతో బాటు సుమారు రూ. 2500 విలువ గల మా ఇతర ప్రచురణలు బహూకరించబడతాయి. 
Please donate any amount by using the DONATE button located under the logo in the right hand corner of this web page.  
ప్రాధమిక కార్యక్రమ వివరాలు, ప్రసంగాంశాలు
ప్రతీ రోజూ 5:00 గంటలనుండి 10:00 గంటల వరకూ
(ప్రతీ రోజూ పుస్తక ప్రదర్సన ఉంటుంది)
సెప్టెంబర్ 29, 2013 (ఆదివారం)
ప్రారంభ వేదిక, పుస్తకావిష్కరణలు, స్వీయ పద్యపఠనం, ప్రాచీన సాహిత్యం, అవధాన ప్రక్రియపై  ప్రసంగాలు.
సెప్టెంబర్ 30, 2013 (సోమవారం)
యువతుల కవి సమ్మేళనం, హాస్య కవి సమ్మేళనం, అనగనగా ఒక  కథ (ఐదు నిమిషాలలో కథ చెప్పాలి), ఆధునిక కథ, నవల, నాటకాలపై ప్రసంగాలు.
అక్టోబర్  1, 2013 (మంగళవారం)
లలిత సంగీతం, స్వీయ వచన కవితా పఠనం, ఆధునిక కవిత, అనువాద సాహిత్యాలపై ప్రసంగాలు.
అక్టోబర్  2, 2013 (బుధవారం)
జానపడం పాటలు, స్త్రీల పాటలు, జానపఫా సాహిత్యం, జానపద కళారూపాలపై ప్రసంగాలు.
అక్టోబర్  3, 2013 (గురువారం)
తెలుగు భాష, సాహిత్యం, సంస్కృతి పరిరక్షణ సవాళ్ల పై ప్రసంగాలు, పండుగలు, నోములు, స్థానిక ప్రదేశాలు, చారిత్రక స్థలాలపై చర్చ.
అక్టోబర్  4, 2013 (శుక్రవారం)
సినిమాలు, ప్రసార మాధ్యమాలపై ప్రసంగాలు, ప్రపంచీకరణ ప్రభావం, అంతర్జాలం బ్లాగులు మొదలైన వాటి పాత్ర పై చర్చ.
అక్టోబర్  5, 2013 (శనివారం)
భాషా, సాహిత్య సంస్కృతులపై క్విజ్ పోటీ, యువత కొత్త రచనల పుస్తకావిష్కరణలు. ముగింపు సభ.
 ఈ చారిత్రక యువ సాహితీ సమ్మేళనం పూర్తీ వివరాలకు ఈ క్రింది వారిని సంప్రదించండి.
డా. తెన్నేటి సుధా దేవి
Cell: 92465 77745
డా. ద్వా. నా. శాస్త్రి
Cell: 98492 93376
డా. వంగూరి చిట్టెన్ రాజు (Houston, TX, USA)
Phone: 832 594 9054